Dumating ngayong Linggo ang kauna-unahang batch ng mga bakuna sa COVID-19 sa Pilipinas na CoronaVac mula sa Chinese company na Sinovac
Personal na inispeksiyon ni Pangulong Rodrigo Duterte, kasama ang iba pang opisyal tulad nina Health Secretary Francisco Duque III at vaccine czar Carlito Galvez, ang crates ng mga donasyong bakuna.
Dadalhin ang mga bakuna sa cold storage facility sa Marikina City.
Inaasahang magiging abala ang pasilidad sa pag-proseso ng mga bakuna para ma-deploy sa COVID-19 priority hospitals, na magsasagawa ng vaccination rollout ngayong Lunes.
Kasunod na dadating ngayong Lunes ang 525,600 doses ng AstraZeneca vaccines galing sa COVAX Facility ng World Health Organization.
